سفیر تاجیکستان در مسکو در دیدار با نماینده ویژه اتحادیه اروپا برای افغانستان، آمادگی کشورش برای ارائه کمک‌های بین‌المللی به مردم افغانستان را از طریق خاک تاجیکستان اعلام کرد.
به گزارش افغان نیوز؛ سفارت تاجیکستان در روسیه با نشر خبرنامه‌ای گفته است که دولت‌شاه گل محمدزاده، سفیر این کشور در مسکو در دیدار با توماس نیکلاسون، نماینده ویژه اتحادیه اروپا برای افغانستان، وضعیت کنونی افغانستان و تهدیدات احتمالی برای امنیت منطقه‌ای را مورد بحث قرار داده است.
سفارت تاجیکستان در مسکو می‌گوید که در این دیدار دو طرف بر اهمیت تقویت بیشتر تعاملات بین تاجیکستان و اتحادیه اروپا برای تسهیل حل و فصل زودهنگام بحران افغانستان تاکید کرده‌اند.
در این دیدار دو طرف روی راه‌های ارائه کمک‌های بشردوستانه به مردم و بازسازی اقتصادی افغانستان مورد بحث قرار گرفته است.
در خبرنامه آمده است که سفیر تاجیکستان با توجه به توانایی‌های لوژستیکی تاجیکستان، آمادگی کشورش برای ارائه کمک‌های بین‌المللی به مردم افغانستان را از طریق خاک تاجیکستان اعلام کرده است.
پیش از این امام علی رحمان، رییس‌جمهور تاجیکستان گفته بود که این کشور آماده است تا توانایی‌های لوژستیکی خود را برای ارائه کمک های بین‌المللی به افغانستان فراهم کند.
پیام ها