رسانه‌های تاجیکستان گزارش داده اند که این کشور در نظر دارد در نزدیکی مرز افغانستان، برای پناهندگان و قربانیان حوادث طبیعی یک اردوگاه بسازد.
به گزارش افغان نیوز؛ این رسانه‌ها به نقل از مقام‌های تاجیکستان اعلام کرده اند که این اردوگاه قرار است در 50 کیلومتری مرز با افغانستان ساخته شود.
رستم نظرزاده، رییس کمیته شرایط اضطراری تاجیکستان گفته که از سال 1400 و پس از تسلط امارت اسلامی بر افغانستان، آوارگان افغان در این منطقه خیمه برپا کرده اند.
بنا به گزارش‌ها، کار عملی این پروژه که توسط بانک توسعه آسیایی تامین مالی می‌شود، آغاز شده و قرار است به مدت دو سال طول بکشد.
پس از تسلط امارت اسلامی بر افغانستان در اسد سال 1400، شمار زیادی از افغان‌ها به کشورهای همسایه از جمله تاجیکستان پناه بردند.
تاجیکستان برای آوارگان افغان اردوگاه می‌سازد
پیام ها