به اساس گزارش رسانه‌های محلی در ولایت غزنی، گروه طالبان، ۵ تن را در جریان چند ساعت گذشته در این ولایت، تیرباران کردند.
به گزارش افغان نیوز: به اساس گزارش رسانه‌های محلی در ولایت غزنی، این افراد درحالی‌که به سوی ولایت پکتیکا در حرکت بوده‌اند، توسط افراد وابسته به طالبان تیرباران شدند.
از سوی هم، سخن‌گوی والی غزنی در صحبت با رسانه‌ها، از هویت قربانیان این رویداد چیزی نگفته، اما گفت که این حادثه در مرکز این ولایت به وقوع پیوسته‌است.
در عین حال، طالبان ادعا کرده‌اند، کسانی که از سوی افراد وابسته به این گروه کشته شده‌اند، اعضای پولیس ملی بوده‌اند.
تا به حال مقام‌های امنیتی در مورد این گفته‌های طالبان چیزی نگفته‌‌اند.
گروه طالبان به تاریخ ۲۸ قوس سال روان میلادی نیز ۳ فرد ملکی را در ولسوالی واغز ولایت غزنی تیرباران کرده بوده‌اند.
نمایندۀ سازمان ملل برای افغانستان گفته‌اند که در سال جاری گروه‌های هراس‌افگن با راه‌اندازی فعالیت‌های تروریستی، ده‌ها تن از شهروندان افغان را به خاک و خون کشانیده‌اند.
پیام ها