حمایت ریاست جمهوری از پیشکسوت موسیقی

به گزارش افغان خبر: اسدالله غضنفر مشاور فرهنگی رئیس جمهور و نجیب‌الله منلی سرپرست ریاست فرهنگی دفتر شورای امنیت ملی از استاد عبدالرشید در شفاخانه وزیر محمد اکبر خان عیادت نمودند.

استاد عبدالرشید لوگری مشهور به ماشینی از ستاره‌های موسیقی محلی کشور نسبت بیماری که عاید حالش است، در شفاخانه وزیر محمد اکبر خان بستری می‌باشد.

مشاور فرهنگی رئیس‌جمهور محمد اشرف غنی ضمن عیادت عبدالرشید مساعدت نقدی ریاست‌جمهوری را نیز به وی اهدا نمود.

آقای غضنفر حین عیادت از استاد عبدالرشید خدمات وی به فرهنگ و هنر افغانستان را ستودنی عنوان کرد.