امام علی رحمان بر ایجاد دولت فراگیر در افغانستان تاکید کرد

به گزارش افغان نیوز؛ امام علی رحمان، رییس جمهور تاجیکستان در نشست سازمان همکاری شانگهای که با حضور بیش از 15 اشتراک کنند در شهر دوشنبه، پایتخت تاجیکستان برگزار شده بود، از جامعه بین‌الملل به ویژه سازمان ملل متحد و کمیت صلیب سرخ خواست که به افغانستان و مردم پنجشیر که دو ماه در محاصره اند، کمک‌های فوری فراهم کنند.

خبرگزاری رسمی دولت تاجیکستان (خاور) گزار شداده است که رییس جمهور تاجیکستان گفته است؛ عملی‌کردن هر گونه سیستم سیاسی در کابل، بدون در نظرگرفتن افکار عمومی، می‌تواند عواقب غیرقابل پیش‌بینی را به دنبال داشته باشد.

آقای رحمان در این نشست گفته است که تروریسم بین‌المللی، افراط‌گرایی، جدایی طلبی، جنایت‌های سازمان‌یافته فراملی، از جمله قاچاق مواد مخر، جرایم سایبری همچنان تهدیدهای اصلی برای امنیت در منطقه‌ی سازمان همکاری شانگهای هستند.

این در حالی است که نشست سران سازمان همکاری شانگهای با حضور بیش از ۱۵ اشتراک‌کننده، روز (جمعه، ۲۶ سنبله) در شهر دوشنبه، پایتخت تاجیکستان برگزار شد. در این نشست اما؛ از افغانستان هیچ نماینده‌ای حضور نداشت.