رایزنی‌های عمران خان با امریکا و تاجیکستان
به گزارش افغان نیوز؛ عمران خان، نخست‌وزیر پاکستان در تماس تیلفونی با امامعلی رحمان، رییس جمهور تاجیکستان روی مصالحه ملی و رسیدگی به نیازهای بشری مردم افغانستان تأکید کرده است.
دو طرف همچنین توافق کرده‌اند تا در تلاش‌های شان برای حمایت از صلح و ثبات در افغانستان در تماس نزدیک باشند.
در همین حال، عمران خان در مصاحبه با تی‌آر‌تی گفته که ایالات متحده پس از تسلط طالبان بر افغانستان، در یک حالت شوک و سردرگمی قرار دارد.
وی گفت: به رسمیت شناختن تنهایی طا-لبان توسط پاکستان، تفاوت زیادی ایجاد نمی‌کند. باید ترجیحاً، شما می‌دانید، ایالات متحده، اروپا، چین و روسیه در آن شامل باشد.
این گفت‌وگو پس از آن صورت می‌گیرد که تنش‌ها بین تاجیکستان و حکومت طالبان در این اواخر افزایش یافته است. روسیه نیز دو کشور را به گفت‌وگو ترغیب کرده است.
از سوی هم، وندی شرمن، معاون امور سیاسی وزارت خارجه امریکا در آستانه سفرش به پاکستان از این کشور خواست علیه گروه‌های افراطی اقدام کند.