چین تاجیکستان را کمک می‌کند تا پایگاه نظامی در مرز با افغانستان بسازد
به گزارش افغان نیوز؛ خبرگزاری رویترز امروز( پنج‌شنبه، 6 عقرب) به نقل از پارلمان تاجیکستان گزارش داده است که این پایگاه در ولایت خودمختار گورنو-بدخشان، در کوه‌های پامیر ساخته خواهد شد.
در این منطقه که پایگاه ایجاد می‌شود، با ایالت سین‌کیانگ چین و ولایت بدخشان افغانستان هم سرحد است.
سخنگوی پارلمان تاجیکستان گفته است که هیچ نیروی چینی در این پایگاه مستقر نخواهد شد.
پایگاه نظامی تاجیکستان به حمایت مالی چین در مرز با افغانستان در حالی ایجاد می‌شود که رابطه میان حکومت طالبان و تاجیکستان پرتنش است.
این تنش‌ها زمانی افزایش یافت که امام علی رحمان، رییس جمهور تاجیکستان حکومت طالبان را تک قومی خوانده و از آنان خواست که به تمامی گروه‌های قومی ساکن در افغانستان در حکومت سهم دهند.
اما؛ ملا برادار، معاون رییس الوزرای طالبان تاجیکستان را به مداخله در امور افغانستان متهم کرد.
پس از این طالبان نیروهای ویژه استشهادی را در ولایت‌های شمالی افغانستان که با تاجیکستان هم سرحد است، مستقر کردند.