سازمان ملل:

تاجیکستان باید از اخراج پناهجویان افغان خودداری کند

به گزارش افغان نیوز؛ کمیشنری عالی پناهندگان سازمان ملل متحد از حکومت تاجیکستان خواسته است که از اخراج اجباری پناهجویان افغان خودداری کنند و« فورا مراحل اقامت قانونی و تعیین وضعیت پناهندگی» را از سر بگیرد.

این نهاد از افزایش موانع برای شهروندان افغانستان در تاجیکستان نیز براز نگرانی کرده است.

کمیشنری عالی پناهندگان سازمان ملل گفته است که اطلاعات این نهاد نشان می‌دهد که در پایان ماه جولای سال جاری میلادی، مقام‌های محلی تاجیکستان صدور مجوز اقامت برای همه شهروندان افغانستان تازه وارد را به حالت تعلیق درآورده‌اند.

بنا براین با افزایش محدودیت‌ها و تعلیق بررسی پرونده‌های پناهندگی در تاجیکستان سبب شده تا شهر‌وندان افغانستان که به تازگی وارد تاجیکستان شدند، با خطر جریمه، بازداشت و اخراج احتمالی به افغانستان روبه‌رو شوند.

کمیشنری پناهندگان سازمان ملل به تازگی«توصیه جهانی برای عدم اخراج اتباع افغانستان» را منتشر کرد که در آن خواستار جلوگیری از اخراج اجباری همه اتباع افغانستان از کشورهای دیگر شده بود.

از دید این نهاد، اخراج اجباری شهروندان افغانستان در شرایط کنونی نقض جدی قوانین بین‌المللی است.

این در حالی است که با تسلط طالبان بر افغانستان، شماری زیاد از شهروندان کشور به دلیل آسیب پذیری امنیتی و بیکاری به کشورهای بیرونی سرازیر شدند.