صدها زندانی افغان از زندان‌های عربستان آزاد شدند

به گزارش افغان نیوز؛  وزارت امور خارجه امارت اسلامی روز گذشته (چهارشنبه‌شب، ۵ دلو) در توییتی این خبر را نشر کرده است.

وزارت امور خارجه تاکید کرده که این شمار از شهروندان زندانی افغان در پی تلاش‌های جنرال‌ قونسلگری افغانستان در شهر جده عربستان سعودی، از بند رها شده‌اند.

بربنیاد اطلاعات نشر شده، ۳۱۴ شهروند افغانستان در زندان‌های عسیر، جیزان، الباحه، ابها، طائف، مدینه‌، قنفذه، شمیسی، تبوک و حدا زندانی بودند.

پیشتر نزدیک به ۵۰۰ شهروند زندانی افغانستان از زندانی در کراچی پاکستان نیز آزاد شدند.