سرویس : اقتصادی | کد خبر : 29047 | تاریخ : 1403/01/16-12:33:04
|پرینت
ازبیکستان در بخش معادن افغانستان سرمایه‌گذاری می‌کند
وزرات معادن و پترولیم ا.ا می‌گوید که مسوولان وزارت جیولوژی ازبیکستان، در بخش معادن افغانستان سرمایه‌گذاری می‌کنند.
به گزارش افغان نیوز؛ وزارت معادن و پترولیم امارت اسلامی، می‌گوید که مسوولان وزارت جیولوژی و معادن اوزبیکستان در یک نشست آنلاین با شیخ ضیاء‌الرحمن آریوبی، معین پلان و پالیسی این وزارت گفتگو کرده اند.
این وزارت می‌گوید در این نشست، مسوولان وزارت جیولوژی، ازبیکستان به سرمایه‌گذاری در بخش سروی، تفحص، اکتشاف و استخراج معادن نفت و گاز، مس، آهن، سمنت، طلا و زغال‌سنگ کشور ابراز علاقه‌مندی کرده و خواهان خرید سالانه یک میلیون تُن زغال‌سنگ از افغانستان شده‌اند.
همچنان در این نشست، بر تداوم همکاری‌های مشترک و گسترش هماهنگی دوجانبه تأکید شده است.