سرویس : صحت و سلامت | کد خبر : 29363 | تاریخ : 1403/02/06-09:23:29
|پرینت
کمک‌رسانی در بخش صحت محور گفتگوی کبیر و میتیو
مولوی عبدالکبیر معاون سیاسی ریاست‌الوزرا، با الکساندر میتیو رییس بخش آسیا و اقیانوسیه فدراسیون بین‌المللی صلیب سرخ و هلال احمر، دیدار کرده است.
به گزارش افغان نیوز؛ ارگ در خبرنامه‌ای ایکس اعلام کرده است که در این دیدار آقای میتیو بر کمک‌های صلیب سرخ و هلال احمر در بخش‌های بشری و صحت به افغانستان تاکید کرده است.
آقای میتیو تاکید کرده که حمایت امارت اسلامی از هلال احمر افغانی می‌تواند سبب جذب کمک‌های بیش‌تر کشورها و نهادهای کمک‌کننده به افغانستان شود.
معاون سیاسی ریاست‌الوزرا در این دیدار خواستار از سرگیری کمک‌های صلیب سرخ به شفاخانه‌ها در برخی ولایت‌های کشور شده و گفته که امارت اسلامی برای رساندن کمک‌های بشری به نیازمندان با نهادهای کمک‌کننده همکاری می‌کند.