سرویس : اجتماعی | کد خبر : 30707 | تاریخ : 1403/06/04-15:21:07
|پرینت
دیدار تودیعی مقام ا.ا با رییس سازمان بین‌المللی مهاجرت
وزارت مهاجرین و عودت‌کنندگان حکومت سرپرست گفته که عبدالرحمان راشد، معین مسلکی این وزارت با ماریا مویتا، رییس سازمان بین‌المللی مهاجرت دیدار تودیعی کرده است.
به گزارش افغان نیوز؛ این وزارت امروز (یک‌شنبه، 4 سنبله) با نشر اعلامیه‌ای گفته که راشد در این دیدار از همکاری خانم مویتا با بی‌جاشدگان در کشور ستایش کرده است.
به نوشته اعلامیه، معین مسلکی وزارت مهاجرین ضمن آرزوی موفقیت برای مویتا از همکاری دوامدار وزارت مهاجرین با سازمان بین‌المللی مهاجرت اطمینان داده است.
از سویی هم، رییس سازمان بین‌المللی مهاجرت دوره کاری‌اش را در افغانستان پرخاطره خوانده و از همکاری‌های وزارت مهاجرین تشکر کرده است.