ولادیمیر پوتین، رییس جمهور روسیه و امام علی رحمان، رییس جمهور تاجیکستان در باره افغانستان گفتگو و از نفوذ گروه داعش در کشور ابراز نگرانی کرده‌اند.
به گزارش افغان نیوز؛ ولادیمیر پوتین، رییس جمهور روسیه و امام علی رحمان، رییس جمهور تاجیکستان روز جمعه( 19 حمل) در تماس تلفنی در مورد افغانستان و نفوذ گروه داعش در کشور ابراز نگرانی کرده اند.
سفیر روسیه در دوشنبه، پایتخت تاجکستان به رسانه‌ها گفته‌است که اقداماتی برای تقویت حفاظت از مرزهای تاجیکستان در حال انجام است.
دو کشور روسیه و تاجیکستان معتقد اند که گروه داعش در شمال افغانستان نیرو دارد.
این در حالی است که چندی پیش مقام‌های نظامی امریکا را نیز از رشد گروه داعش در افغانستان هشدار داده بود اما؛ امارت اسلامی همواره تاکید بر نابود شدن گروه داعش در افغانستان کرده است.
مقام‌های امارت به جهان اطمینان داده اند که افغانستان مکان امن برای گروه‌های تروریستی از جمله داعش نخواهد شد.
پیام ها