تیم فوتبال افغانستان امروز در رقابت‌های راه‌یابی به جام ملت‌های آسیا برابر ویتنام به میدان می‌رود.
به گزارش خبرگزاری افغان نیوز: شاگردان اوتو فیستر یک هفته پیش در دیدار دوستانه از سدر سنگاپور با نتیجۀ 2 بر 1 گذشتند و اکنون این بازیکنان از روحیۀ خوبی برای رویاریی با ویتنام برخورداند.
اوتو فیستر، سرمربی تیم ملی فوتبال افغانستان گفته است که در بازی برابر ویتنام هر دو تیم یکسان از شانس پیروزی برخوردار هستند.
فیستر افزوده که تمام تمرکزش معطوف به بازی برابر ویتنام است و به پیروزی در این رویارویی فکر میکند.
این بازی ساعت 6:30 عصر امروز سه شنبه (8 حمل) به وقت افغانستان در تاجیکستان برگزار می‌شود.
این بازی در ورزشگاه مرکزی شهر دوشنبۀ تاجیکستان برگزار خواهد شد که میزبانی آن را افغانستان بر عهده دارد.
افغانستان به خاطر مشکلات امنیتی در کابل بازی‌های خانگی اش را در خاک تاجیکستان برگزار خواهد کرد.
ورزشگاه مرکزی شهر دوشنبه بزرگ‌ترین ورزشگاه فوتبال در تاجیکستان است که دارای چمن مصنوعی بوده و ظرفیت بیش از ۱۸ هزار تماشاچی را دارد.
پیام ها