وزارت خارجه تاجیکستان در خبرنامه‌ای از دیدار رییس بخش مطالعات استراتژیک این وزارت‌خانه با نماینده چین برای افغانستان خبر داد.
به گزارش افغان نیوز: در خبرنامه وزارت خارجه تاجیکستان که دیروز (جمعه، ۲۲قوس) منتشر شده آمده که شرف رحیمی با یو‌شیائو یونگ، در مورد افغانستان گفتگو کرده است.
نماینده چین برای افغانستان پس از این دیدار در اکس خود نوشت که گفت‌وگوی بسیار خوبی با این دیپلومات تاجیکستان، برای کمک به افغانستان داشته است.
نماینده چین در اکس نوشت: «ما امروز یک گفت‌وگوی بسیار خوب به خاطر همکاری با یکدیگر برای کمک به بازسازی افغانستان داشتیم.» این دیپلومات چینی درباره جزئیات این گفت‌وگو توضیحی نداده است.
چین با آنکه حکومت سرپرست را به رسمیت نشناخته اما روابط گسترده دیپلوماتیک و اقتصادی با کابل دارد.
رییس جمهور تاجیکستان چندی پیش گفته بود که سران کابل به رغم وعده‌هایی که داده بودند تا هنور حکومت فراگیر در افغانستان تشکیل نداده‌اند.
پیام ها