شهباز شریف، نخست‌وزیر پاکستان و امام علی رحمان، رییس‌جمهور تاجیکستان در دیداری در شهر دوشنبه، پایتخت تاجیکستان، بر اهمیت پروژه برق کاسا-۱۰۰۰ تأکید کرده‌اند.
به گزارش افغان نیوز: به نقل از منابع رسانه‌ای پاکستانی، نخست‌وزیر پاکستان در این دیدار ابراز امیدواری کرده که این پروژه هرچه زودتر تکمیل شود.
بر اساس منابع، دو طرف همچنین بر لزوم تقویت همکاری در مبارزه با تروریزم، مبارزه با جرایم سازمان‌یافته فرامرزی، قاچاق انسان و مواد مخدر تأکید کرده‌اند.
پروژه انتقال برق کاسا-۱۰۰۰ از بزرگ‌ترین طرح‌های اقتصادی مشترک بین آسیای مرکزی و جنوبی است که برق را از قرغیزستان و تاجیکستان به افغانستان و پاکستان انتقال می‌دهد و افغانستان در این پروژه نقش مهمی در بخش ترانزیت دارد.
تأکید رهبران پاکستان و تاجیکستان بر اهمیت پروژه کاسا-۱۰۰۰
پیام ها