محمد اشرف غنی، رییس جمهور کشور صبح امروز چهار شنبه(۳، دلو) در راس یک هیات عالی رتبه دولتی برای شرکت در مجمع جهانی اقتصاد وارد داووس سویس گردید.
به گزارش افغان نیوز: در خبرنامه ارگ ریاست جمهوری آمده است که آقای غنی در جریان این سفر، در یک بحث به محوریت آینده اقتصادی افغانستان اشتراک می‌کند و در خصوص رشد اقتصاد افغانستان و نقش بارز آن در اتصال منطقوی صحبت خواهد کرد.
قابل ذکر است که اجلاس مجمع اقتصادی جهان امسال از تاریخ 2 دلو 1397 برابر به 22 جنوری 2019 آغاز شده و به اشتراک بیش از 3000 تن تاجر، سیاست‌مدار، نمایندگان حکومت‌ها، نهادهای بین‌المللی و جامعه مدنی به مدت پنج روز ادامه می‌یابد.
این درحالی است که عبدالله عبدالله، رییس اجراییه حکومت وحدت ملی صبح روز سه شنبه(۲، دلو) برای شرکت در مجمع جهانی اقتصاد وارد داووس سویس گردید.
پیام ها