معاون وزیر امور خارجه تاجیکستان گفته است که گروه‌های تروریستی مانند داعش و القاعده در افغانستان افزایش یافته است.
به گزارش افغان نیوز؛ فرهاد سلیم، معاون وزیر خارجه تاجیکستان این اظهارات را امروز (سه‌شنبه، 8 قوس) در دهیمن نشست امنیتی هرات در دوشنبه، پایتخت تاجیکستان مطرح کرده است.
سلیم افزوده است که تولید و قاچاق مواد مخدر نیز در افغانستان افزایش یافته است.
او تاکید کرده است: «سیاست تاجیکستان حمایت از ایجاد یک دولت فراگیر در افغانستان است که می‌تواند منجر به پایان جنگ نیم قرنی در افغانستان و دستیابی به عدالت اجتماعی شود».
انستیتوت مطالعات استراتژیک افغانستان دور دهم نشست سالانه «گفتگوهای امنیتی هرات» در دوشنبه، پایتخت تاجیکستان برگزار کرده است. این نشست امروز و فردا ادامه دارد.
در این نشست نمایندگان کشورهای خارجی از جمله کرن دیکر، کاردار سفارت امریکا برای افغانستان نیز اشتراک کرده است.
دیکر این نشست را فرصت عالی برای تبادل نظر در مورد وضعیت افغانستان با نمایندگان این کشور، تاجیکستان و کشورهای منطقه خوانده است.
پیام ها