چین و تاجیکستان در بیانیه‌ی مشترک پشتیبانی خود را از تشکیل حکومت فراگیر با حضور نماینده‌های تمامی گروه‌های قومی، مذهبی و سیاسی در افغانستان اعلام کردند.
به گزارش افغان نیوز؛ رسانه‌های چینی، اعلام کرده‌اند که دو طرف تأکید کردند که وجود افغانستان مستقل، بی‌طرف، متحد، فراگیر و صلح‌آمیز، عاری از هراس‌افگنی، جنگ و مواد مخدر، که در صلح و هماهنگی با همسایگانش زندگی کند، در راستای منافع مشترک است.
این بیانیه در جریان سفر رسمی شی جین پینگ، رییس‌جمهور چین، به تاجیکستان و پس از شرکت در نشست سران سازمان همکاری شانگهای در آستانه صادر شد.
پیش از این، ذبیح‌الله مجاهد سخنگوی امارت اسلامی گفته بود که تشکیل حکومت فراگیر در افغانستان یک موضوع داخلی است.
چین و تاجیکستان بر حکومت فراگیر در افغانستان تاکید کردند
پیام ها