رییس جمهور تاجیکستان در یک گفتگوی تلفنی با آنتونیو گوترش، دبیرکُل سازمان ملل متحد گفته که جهان نباید مردم افغانستان را در شرایط دشوار تنها بگذارد.
به گزارش افغان نیوز؛ دفتر ریاست‌جمهوری تاجیکستان اعلام کرده که امام‌علی رحمان در این گفت‌و‌گوی تلفنی خواهان ادامه کمک‌های بشردوستانه جامعه جهانی به مردم افغانستان شده است.
آقای رحمان می‌گوید که جهان نباید مردم «رنج دیده» افغانستان را در شرایط سخت کنونی تنها بگذارد.
در اطلاعیه‌ای دفتر ریاست جمهوری تاجیکستان آمده که این کشور آمادگی دارد تا قابلیت‌های تدارکاتی خود را برای کمک به مردم افغانستان در اختیار جامعه جهانی قرار دهد.
اظهارات رییس‌جمهور تاجیکستان در حالی مطرح می‌شود که دولت این کشور هم‌چنان پناه‌جویان افغانستان را اخراج می‌کند.
این در جالی است که کمیساریای عالی سازمان ملل در امور پناه‌جویان در واکنش به اخراج اجباری پناه‌جویان کشور از تاجیکستان از دولت دوشنبه خواسته بود این روند را متوقف کند.
پیام ها