رییس اجراییه حکومت وحدت ملی خواستار ادامه و گسترش فعالیت‌های کمیته سویدن در افغانستان گردید.
به گزارش افغان نیوز: عبدالله عبدالله، رییس اجراییه حکومت وحدت ملی ناوقت روز دوشنبه( ۱۲ حمل) با اندرس فینج عضو هییت مدیره کمیته سویدن برای افغانستان در قصر سپیدار دیدار کرد.
در این دیدار آقای فنج در باره فعالیت‌ها و برنامه‌های کمیته سویدن در افغانستان به رییس اجراییه کشور معلومات ارایه کرد.
رییس اجراییه با تمجید و قدردانی از تلاش‌های این کمیته برای مردم افغانستان خواهان ادامه و گسترش فعالیت‌های آن در افغانستان گردید.
این درحالی است که برخی مقامات سویدن مدعی است؛ زمانی که قرارداد دیپلوماتیک در سال ۱۹۴۰ امضا شد و همچنان زمانی که در افغانستان انقلاب صورت گرفت و مردم به کشورهای همسایه مهاجر شدند و همچنان دورانی که قدرت طالبان در افغانستان از بین رفت و هیچ نظام دولتی و نظامی در آنجا وجود نداشت، سویدن به کمک مردم افغانستان شتافت.
پیام ها