نخست وزیر پاکستان اعلام کرده که پس از مذاکرات با رهبران همسایه افغانستان به ویژه امام علی رحمان، رییس جمهور تاجیکستان، رای زنی با طالبا را آغاز کرده است.
به گزارش افغان نیوز؛ عمران خان، نخست وزیر پاکستان امروز( شبنه، 27 سنبله) در توییتی نگاشته است که گفتگو با طالبان برای تشکیل دولت فراگیر با شمولیت تاجیک‌ها، هزاره‌ها و اوزبیک‌ها را آغاز کرده است.
نخست وزیر پاکستان گفته است که پس از ۴۰ سال درگیری، حکومت فراگیر صلح و ثبات افغانستان را تضمین می‌کند که نه‌تنها به نفع این کشور، بلکه به نفع همه منطقه است.
این در حالی است که عمران خان، نخست وزیر پاکستان در جریان سفر دو روزه‌اش به تاجیکستان در حاشیه نشست رهبران سازمان همکاری شانگهای، با امام علی رحمان، رییس جمهور تاجیکستان دیدار کرد. خان در نشست خبری مشترک با رحمان اعلام کرد که یکی از مسایلی که پاکستان و تاجیکستان را نگران کرده است، درگیری بین تاجیک‌ها و طالبان در پنجشیر است.
پیام ها