محمد اسحق صاحب‌زاده معین مالی و اداری وزارت صحت‌عامه امارت اسلامی افغانستان، پنج پروژه اساسی سکتور صحی را به ارزش حدود ۳۸ میلیون افغانی در ولایت سمنگان به بهره برداری سپرد.
به گزارش افغان نیوز؛وزارتصحت عامه امارت اسلامی افغانستان امروز (دوشنبه، ۲۶ سنبله) در ایکس می‌گوید که این پروژه‌ها شامل ساخت ۲۰ آشیانه صحی، سیستم برق سولری در ۱۰مرکز صحی، دیوار احاطوی شفاخانه ولایتی سمنگان، مکان مناسب برای تجهیزات طبی و آمبولانس‌ها و احداث ساحه سبز می‌باشد.
بر اساس خبرنامه، در مراسم افتتاح این شفاخانه محمد اسحاق صاحب‌زاده، معین مالی و اداری وزارت صحت‌عامه، والی سمنگان، رییس صحت عامه، داکتران، علمای دین، بزرگان قبایل و باشنده گان محل اشتراک داشتند
در این برنامه، صاحب‌زاده تکمیل این پنج پروژه اساسی صحی را یک دستاورد مهم در ولایت سمنگان خواند و افزود، که این امر باعث دسترسی بیشتر مردم به خدمات صحی و تقویت سکتور صحی ولایت سمنگان می‌شود.
پیام ها