وزیر داخله کشور تاجیکستان از حضور ۱۰ هزار شبه نظامی در مرز مشترک بین افغانستان و تاجیکستان خبر داده است و اظهار داشته است که وضعیت پیچیده امنیتی در افغانستان باعث نگرانی این کشور می‌باشد.
به گزارش افغان خبر؛ رمضان رحیم‌زاده وزیر داخله کشور تاجیکستان از حضور 10 هزار جنگجو در مرز مشترک بین افغانستان و تاجیکستان خبر می‌دهد و می‌گوید؛ حضور این شبه نظامی باعث نگرانی مقامات تاجیکستان شده است.
آقای رحیم زاده گفته است؛ وضعیت پیچیده امنیتی در افغانستان کسب آمار دقیق گروه‌های شبه نظامی در مناطق مرزی ممکن نیست اما برآوردهای اولیه از فعالیت 10 تا 15 هزار شبه نظامی در این مناطق خبر می‌دهند.
وزیر داخله تاجیکستان افزوده است؛ فعالیت گروه‌های شبه نظامی در مرز مشترک با افغانستان بسیار نگران کننده است. او حضور اتباع کشور تاجیکستان در صفوف گروه های شبه نظامی را نیز تایید کرده است.
چند ماه قبل نیز تاجیکستان به دلیل نگرانی از فعالیت گروه‌های شبه نظامی در مرز مشترک با افغانستان مانور نظامی بزرگی را با حضور 10 هزار سرباز و تسلیحات سنگین به صورت مشترک با ارتش چین برگزار کرده بود.
این اظهارات در حالی مطرح می‌شود که به گفته مقامات سابق حکومت افغانستان، خودروهای زرهی که پس از سقوط ولایت قندوز به دست طالبان افغان افتاده است، برای ترمیم توسط مهندسان روسی به تاجیکستان منتقل می‌شوند.
پیام ها