سخنگوی پولیس ولایت تخار گفته است که در نتیجه تیر اندازی مرزبابان تاجیکستانی یکی از قاچاقبران افغان کشته و یک تن دیگر آنان زخمی شده است.
به گزارش افغان نیوز: دو قاچاقبر افغان که می‌خواستند مقداری مواد مخدر را به تاجیکستان انتقال دهند، هدف تیر اندازی مرزبابان تاجیکستانی قرار گرفتند.
خلیل اسیر، سخنگوی پولیس تخار با تایید این رویداد گفته که در نتیجه این تیر اندازی یکی از قاچاقبران کشته و یک تن دیگر آنان زخمی شده است.
این رویداد شب گذشته "سه شنبه ۱۷دلو" در قریه نو آباد ولسوالی چاه آب ولایت تخار رخ داده است.
افغانستان یکی از کشورهایی است که از لحاظ کشت و تولید مواد مخدر در بالاترین سطح قرار دارد.
گفته می‌شود که مخالفان مسلح دولت افغانستان نیز بیشتر از کشت و تولید مواد مخدر تمویل می‌شوند.
مرزبانان تاجیکستان، یک قاچاقبر افغان را به هلاکت رساندند
پیام ها