مسولان امنیتی ولایت تخار میگویند که دو تن از باشنده‌گان کشور بعد از ورود به خاک تاجیکستان توسط نیروهای سرحدی آن کشور کشته شده است.
به گزارش افغان خبر: عبدالخلیل اسیر، سخنگوی قوماندانی امنیه ولایت تخار میگوید که روز گذشته نیروهای امنیتی تاجیکستان دو باشنده ولسوالی درقد را به ضرب گلوله کشته اند.
سخنگوی قوماندانی امینه ولایت تخار میگوید که:" دو فرد متذکره، از درياى آمو عبورکرده و به خاک تاجکستان داخل شده بودند که پوليس برآنها آتش گشود و هر دوی آنها کشته شده اند."
به گفته این سخنگوی قوماندانی امینه تخار افراد کشته شده، باشندگان مناطق نورخيل و بصيرخيل ولسوالى درقد بودند.
آقای اسیر میگوید تاکنون معلوم نيست که افراد متذکره به چه منظور وارد خاک تاجکستان شده بودند، اما پوليس تاجکستان اجساد روزالدين و احمدجان را امروز به خانواده هاى شان تسليم دادند.
وى گفت که افراد متذکره، مواد مخدر را به تاجیکستان قاچاق مى کردند، بدين منظور پوليس سرحدى تاجکستان آنان را هدف تيراندازى قرارداده اند.
براساس معلومات وى، قاچاق کنندگان ده تن بودند و آنها نيز بر پوليس تاجیکستان فيرکرده اند.
به گفته آقای اسیر، در تيراندازى متقابل قاچاقچيان نيز يک پوليس سرحدى تاجکستان کشته شده است.
مسوولين تاجیکستان تاکنون در اين مورد ابرازنظر نکرده اند.
افغانستان با تاجیکستان مرز مشترک دارد که دريايى آمو مرز ميان دوکشور است.
پیام ها