شماری از بازرگانان و رانندگان، دو روز به این سو در اعتراض به عدم موافقت ویزای تجارتی، مرز مشترک بازرگانی تاجیکستان و افغانستان را مسدود کردند.
به گزارش افغان نیوز: این رانندگان و بازرگانان میگویند که حکومت افغانستان برای 250 رانندۀ تاجیکستانی ویزای 6 ماهه می‌دهد، اما حکومت تاجیکستان برای 25 رانندۀ افغانستان تنها ویزای یک ماهه در نظر گرفته است.
به گفتۀ آنان، سفارت تاجیکستان توزیع ویزا برای بازرگانان افغانستان را هم محدود کرده است. آن‌ها هشدار می‌دهند که اگر به مشکل‌شان رسیدگی نشود، بندر بازرگانی شیرخان را همچنان بسته نگه می‌دارند.
معترضان به سلام وطندار گفته اند که با تاجران و راننده های افغانستانی از سوی حکومت تاجیکستان عمل مشابه صورت نمی‌گیرد.
سیدمحمود دانش، سخنگوی والی کندز نیز اعتراض بازرگانان را برحق دانسته می‌گوید که دو روز پیش نامه‌یی به خاطر حل مشکلات بازرگان به ارگان‌های محلی فرستاده‌اند. او می‌گوید، به زودی به این مشکل بازرگانان رسیدگی می‌شود.
هرچند تلاش کردیم که دیدگاه سفارت تاجیکستان در افغانستان را نیز داشته باشم، اما موفق به این کار نشدیم.
پیام ها