وزارت اطلاعات و فرهنگ امارت اسلامی می‌گوید که باوو ژو هوی، معاون سفیر چین در کابل در دیدار با مولوی عتیق‌الله عزیزی، معین فرهنگ و هنر وزارت اطلاعات و فرهنگ گفته است، کشورش می‌خواهد روابط فرهنگی با افغانستان را گسترش دهد.
به گزارش افغان نیوز؛ این وزارت در ایکس نگاشته است که باوو ژو هوی افزوده است به همین هدف هیأتی از اداره باستان‌شناسی بجینگ به افغانستان سفر می‌کند.
بر اساس خبرنامه، معاون سفیر چین تصریح کرده است که این هیأت در بخش حفاظت و استحکام آبدات تاریخی، موزیم ملی و آثار تاریخی در معدن مس عینک با باستان‌شناسان افغان به‌گونه مشترک کار می‌کنند.
در همین حال، عزیزی، سفر باستان‌شناسان چینایی به افغانستان را مهم خوانده و از هرگونه همکار اطمینان داده است.
هیات از باستان شناسان چین به افغانستان می‌آید
پیام ها