وزارت عدلیه حکومت سرپرست در خبرنامه‌ای اعلام کرده است که ماه گذشته، حدود ۲۰ هزار ۳۷۶ جریب زمین دولتی را مصادره کرده است.
به گزارش افغان نیوز: در خبرنامه این وزارت که امروز (چهارشنبه، ۲۸ قوس) منتشر شده آمده که، این زمین‌ها در ولایت‌های «قندهار، قندوز، جوزجان، غور، خوست و پنجشیر» مصادره شده‌اند.
در خبرنامه این وزارت آمده که روند بررسی، تائید و استرداد زمین‌های دولتی در ولایات ادامه دارد.
به نقل از خبرنامه، بیشترین زمین‌های مصادره شده در ولایت قندهار بوده که شامل ۹۶۱۰ جریب زمین می‌شود.
وزارت عدلیه برای بازگرداندن زمین‌های دولتی از «غاصبان و زورمندان» کمیسیونی تحت نام کمیسیون جلوگیری از غصب زمین‌ها و استرداد زمین‌های غصب‌شده ایجاد کرده است.
وزارت عدلیه گفته است طی این سال، زمین‌های زیادی را در مرکز و ولایت‌های کشور به‌عنوان املاک غصب‌شده شناسایی کرده و به مالکیت دولت بازگردانده است.
پیام ها