وزارت عدلیه حکومت سرپرست اعلام کرده که در یک ماه گذشته، هیأت‌های تخنیکی کمیسیون جلوگیری از غصب زمین و استرداد زمین‌های غصب‌شده، بیش از ۲۰ هزار و ۴۴۴ جریب زمین دولتی را در ۱۳ ولایت کشور بازپس‌گیری کرده‌اند.
به گزارش افغان نیوز: این وزارت امروز (دوشنبه، ۲۷ حوت) اعلام کرده که بیشترین میزان زمین‌های بازپس‌گرفته‌شده در ولایت بامیان به مساحت ۸ هزار و ۳۵۱ جریب بوده است.
این وزارت نوشته که سایر ولایاتی که در آن‌ها زمین‌های دولتی بازپس‌گیری شده‌اند عبارت‌اند از: ننگرهار، قندوز، جوزجان، فاریاب، تخار، دایکندی، غور، خوست، نیمروز، پنجشیر، بادغیس و میدان وردک.
پیشتر این وزارت نوشته بود که طی یک سال و نیم گذشته، بیش از ۲.۵ میلیون جریب زمین دولتی از نزد غاصبان در ولایات مختلف کشور بازپس‌گیری شده است.
بازپس‌گیری ۲۰ هزار جریب زمین دولتی طی یک ماه
پیام ها