ذبیحالله مجاهد، سخنگوی حکومت سرپرست در پیوند نشر گزارش‌ها مبنی توقف پرداخت معاش کارمندان دولتی گفت، معاش تمامی کارمندان دولتی پرداخت خواهد شد.
به گزارش افغان نیوز: مجاهد امروز (پنج‌شنبه، ۱۱دلو) در ایکس خود نوشته که وزارت مالیه در جریان ماه جاری معاش همه کارمندان دولتی را پرداخت می‌کند.
او همچنان در ایکس خود نوشته که بودجه کشور بنیاد داخلی دارد و«کسی نگرانی نداشته باشد.»
سخنگوی حکومت سرپرست همچنان با اشاره به قطع کمک‌های امریکا به افغانستان نوشته که پرداخت معاش کارمندان دولتی «با رسیدن یا عدم رسیدن کمک‌های خارجی ارتباطی ندارد.»
مجاهد در حالی از پرداخت معاش کارمندان ادارات دولتی خبر می‌دهد که دیروز گزارش‌های نشر شده که گویا پس از تعلیق کمک‌های امریکا به افغانستان، معاش کارمندان دولتی پرداخت نمی‌شود.
مجاهد: معاش کارمندان دولتی پرداخت خواهد شد
پیام ها