کمیته بین‌المللی نجات از بیکار شدن هزاران کارمندش در افغانستان خبر داده است.
به گزارش افغان نیوز؛ کمیته بین‌المللی نجات در گزارشی که ناوقت روز یک‌شنبه(۴ جدی) نشر شده گفته است که این نهاد ۸ هزار کارمند در ۱۲ ولایت افغانستان دارد و از این میان، ۳ هزار تن آنان زنان هستند.
کمیته بین‌المللی نجات گفته که این شمار زنان در پی فرمان منع کار زنان در ادارات غیر دولتی، بیکار شده‌اند.
به گفته این کمیته، محدودیت‌های وضع شده از سوی امارت اسلامی یک میلیارد دالر به اقتصاد شکننده افغانستان آسیب رسانده است.
گفتنی است که کمیته بین‌المللی نجات در بخش‌های واکنش اضطراری، صحت، آموزش و معیشت در ۱۲ ولایت افغانستان فعالیت دارد.
این نهاد فعالیتش در افغانستان را وابسته به کار زنان دانسته است.
کمیته بین‌المللی نجات: هزاران زن بیکار شده‌اند
پیام ها