معاون کمیته پاسخگویی به حالات اضطراری تاجیکستان اعلام کرده که کشورش برای پذیرفتن حدود ۱۰۰ هزار پناهجوی افغان آمادگی می گیرد.
به گزارش افغان نیوز؛ امام علی ابراهیم زاده، معاون کمیته پاسخگویی به حالات اضطراری تاجیکستان، روز جمعه (اول اسد) گفت که کشورش برای ذخیره مواد ضروری لازمی برای پناهجویان احتمالی، دو ذخیره گاه بزرگ را در مناطق مرزی تاجیکستان با افغانستان اعمار کرده است.
در جریان ماه جاری، صدها غیرنظامی افغان به تاجیکستان پناه برده اند، اما دوشنبه می‌گوید که این شهروندان افغان دوباره به افغانستان برگشته اند.
پیش از این، امام علی رحمان، رییس جمهور تاجیکستان دستور استقرار ۲۰ هزار نظامی را در مرز با افغانستان داده بود.
از سوی هم، روسیه تانک‌های خویش را در نزدیکی مرز تاجیکستان- افغانستان مستقر کرده و قرار است از پنجم تا دهم اگست، تمرینات نظامی مشترک را با تاجیکستان و اوزبیکستان در آنجا انجام دهد.
این در حالی است که با تشدید جنگ در ولایت‌های شمالی افغانستان، نگرانی‌ها در مورد بی‌جا شدن و فرار افغان‌ها از خانه‌های شان افزایش یافته است.
پیام ها