وزارت مخابرات و تکنالوژی معلوماتی حکومت سرپرست افغانستان از برگزاری دیداری سه‌جانبه میان نجیب‌الله حیات حقانی، سرپرست این وزارت، با وزیر فناوری‌های دیجیتال ازبیکستان و وزیر صنعت و فناوری تاجیکستان خبر داد.
به گزارش افغان نیوز: این وزارت با نشر خبرنامه‌ای گفت در این نشست، که به ابتکار وزیر صنعت و فناوری تاجیکستان برگزار شد، سه طرف در خصوص گسترش همکاری‌های منطقه‌ای در حوزه‌های فناوری اطلاعات، مخابرات و خدمات پستی گفتگو کردند.
بر اساس خبرنامه، در جریان این دیدار توافق‌هایی نیز در زمینه همکاری‌های مشترک فنی و تبادل تجربیات میان سه کشور حاصل شده است.
هدف از این همکاری‌ها، تسریع روند رشد دیجیتال، بهبود زیرساخت‌های مخابراتی و ارتقای سطح خدمات پستی در منطقه عنوان شده است.
این دیدار در حالی انجام می‌شود که نجیب‌الله حیات حقانی، سرپرست وزارت مخابرات و تکنالوژی معلوماتی، در حال حاضر به‌منظور شرکت در برنامه‌های رسمی، در تاجیکستان حضور دارد.
پیام ها