شرکت برق‌رسانی افغانستان (برشنا) حکومت سرپرست در خبرنامه‌ای گفته است که قرارداد خرید برق از تاجیکستان برای سال ۲۰۲۵ میلادی تمدید شده است.
به گزارش افغان نیوز: در خبرنامه ریاست برشنا که امروز (دوشنبه، ۵قوس) منتشر شده آمده که این قرارداد در ترکیه میان عبدالباری عمر، رییس اجرایی این شرکت و محمدعمر عسازاده، رییس شرکت سهامی برق تاجیکستان امضا شده است.
در خبرنامه این ریاست به هزینه و مقدار برق قرارداد شده بین دو طرف اشاره‌ای نشده است.
مقامات حکومت سرپرست مدعی‌اند که با آغاز حاکمیت شان در کشور، بخش عظیمی از بدهی برق دولت قبل را پرداخت کرده‌اند.
قرارداد برق افغانستان و تاجیکستان در حالی تمدید می‌شود که شهروندان کشور، بخصوص پایتخت‌نشینان همواره از کمبود برق شکایت دارند.
برق افغانستان از کشورهای همسایه از جمله تاجیکستان، ترکمنستان و ایران تامین می‌شود.
پیام ها