محمد اشرف غنی، رییس جمهور کشور به منظور اشتراک در نهمین کنفرانس وزرای امور خارجۀ قلب آسیا- پروسۀ استانبول، عازم تاجیکستان شد.
به گزارش افغان نیوز: ارگ ریاست جمهوری می‌گوید که آقای غنی صبح امروز دوشنبه(۹، حمل) در رأس یک هیات عالی رتبۀ دولتی به منظور اشتراک در نهمین کنفرانس وزرای امور خارجۀ قلب آسیا- پروسۀ استانبول، عازم دوشنبه پایتخت تاجیکستان گردید.
اشرف غنی در این سفر دو روزه، برعلاوۀ اشتراک و سخنرانی در کنفرانس متذکره، با امام علی رحمان رئیس جمهور تاجیکستان، صدراعظم و رئیس پارلمان آن کشور دیدار می کند و در مورد گسترش مناسبات و همکاری ها میان دو کشور در عرصه های مختلف، بحث و تبادل نظر خواهد نمود.
همچنان رئیس جمهور غنی در جریان این سفر، در پوهنتون ملی تاجیکستان سخنرانی می‌نماید و سند دوکتورای افتخاری از سوی رئیس پوهنتون متذکره، به وی اعطا خواهد شد.
این همه در حالی است که اخیرا ناامنی ها در مناطق شمالی افغانستان که با تاجیکستان و کشورهای دیگر آسیای میانه مرز مشترک دارند نیز افزایش یافته است.
پیام ها