خبرگزاری دولتی باختر صبح امروز (شنبه، ۲۴ عقرب) گزارش داد که یک هیأت بلندرتبه از جمهوری تاجیکستان وارد کابل شده است.
به گزارش افغان نیوز: این رسانه، نوشته که در ترکیب این هیأت نمایندگان وزارت امور خارجه و ادارات امنیتی تاجیکستان حضور دارند و سفر آنان با هدف گسترش روابط سیاسی، اقتصادی و امنیتی میان دو کشور انجام شده است.
باختر به نقل از منابع خود گفته است که قرار است هیأت تاجیکستان در کابل با مقام‌های امارت اسلامی درباره‌ی همکاری‌های دوجانبه، پروژه‌های مشترک و تعامل منطقه‌ای گفتگو کند.
این رسانه افزوده است که سفر اخیر می‌تواند نشانه‌ای از تغییر رویکرد تاجیکستان در قبال حکومت فعلی افغانستان باشد و احتمالاً موضوع فعالیت سفارت افغانستان در دوشنبه نیز در گفتگوها مطرح خواهد شد.
تاجیکستان تنها کشور آسیای میانه است که تاکنون رابطه نزدیک و رسمی با امارت اسلامی برقرار نکرده و همچنان دفتر برخی گروه‌های مخالف افغان از جمله «جبهه مقاومت ملی» در خاک این کشور فعال است.
پیام ها