سرگئی لاوروف، وزیر امور خارجه روسیه در دیدار با سراج‌الدین مهر‌الدین، وزیر خارجه تاجیکستان گفته است که وضعیت افغانستان تهدید جدی برای کشورهای همسایه است.
به گزارش افغان نیوز: لاوروف دیروز، جمعه (۲۶دلو) در دیدار با همتای تاجیکستانی خود بر لزوم همکاری برای مقابله با تهدیدات امنیتی در منطقه آسیای مرکزی، به ویژه افغانستان تاکید کرد.
آقای لاوروف به طور مشخص از روسیه و تاجیکستان نام برده که ممکن از ناامنی در افغانستان متأثر شوند.
او افزوده که برای مقابله با این تهدیدات، همکاری در قالب‌های چندجانبه، نظیر فارمت مسکو در مورد افغانستان و راهکارهای سازمان پیمان امنیت جمعی و سازمان همکاری شانگهای ضروری است.
در همین حال، روسیه و تاجیکستان در راستای تقویت همکاری‌های خود در زمینه مبارزه با تروریزم و قاچاق مواد مخدر توافق کرده‌اند.
با این حال، کابل بارها این نگرانی‌ها را بی‌بنیاد پنداشته و پیوسته تأکید کرده است که هیچگاه امکان استفاده خاک افغانستان را به کسی نخواهند داد.
حکومت سرپرست پیش از این نیز گفته که برای ریشه‌کن کردن ترویزم به تلاش‌های مشترک منطقوی نیاز است.
پیام ها