رییس جمهوری تاجیکستان با اشاره به اینکه بیش از ۴۰ مرکز آموزش در شمال شرقی افغانستان تروریست تربیت می‌کنند، پیشنهاد کرده است که یک کمربند امنیتی در اطراف افغانستان ایجاد شود.
به گزارش افغان نیوز؛ امامعلی رحمان، رییس جمهوری تاجیکستان، روز (دوشنبه، ۲۰ جدی) در نشست مجازی کشورهای عضو سازمان پیمان امنیت جمعی، گفت:« بیش از ۴۰ کمپ و مرکز آموزش تروریست‌ها در ولایت‌های شمال شرقی افغانستان وجود دارد که بیش از ۶۰۰۰ شبه نظامی را جای داده است.»
آقای رحمان افزوده که وضعیت در مرز تاجیکستان و افغانستان هر روز پیچیده‌تر می‌شود، درگیری‌ها درست در امتداد مرز با تاجیکستان اتفاق می‌افتند.
به گفته او، در هفته گذشته، در جایی در نزدیکی مرز دستکم ۱۱ نیروی طالبان کشته و ۱۸ نفر زخمی شدند.
ولادیمیر پوتین؛ رییس جمهوری روسیه اخیرا بارها درباره خطر «سرازیر شدن اسلامگرایان افراطی» به منطقه بعد از تحولات افغانستان هشدار داده است.
نیروهای کشورهای عضو ائتلاف نظامی سازمان پیمان امنیت جمعی به رهبری روسیه پس روی کار آمدن طالبان، چند تمرین نظامی در نزدیک مرزهای جنوبی تاجیکستان با نگاهی به روند تحولات افغانستان برگزار کرده اند.
پیام ها