کمیسیون مرکزی انتخابات ریاست جمهوری تاجیکستان اعلام کرده که امام‌علی‌رحمان با کسب بیش از ۹۰ درصدر آرا، باز هم به عنوان رییس جمهور انتخاب گردیده است.
به گزارش افغان نیوز: کمیسیون دولتی انتخابات تاجیکستان، امروز روز دوشنبه(21، میزان) اعلام نموده که براساس نتایج مقدماتی، امام علی رحمان با کسب ۹۰،۹ درصد آرا در انتخابات ریاست جمهوری پیروز شده و می تواند هفت سال دیگر بر سر قدرت بماند.
تاجیکستان مدت ها در میان جمهوری های شوروی سابق، فقیرترین کشور به شمار می آمد. اما در ۲۰ سال گذشته میزان فقر کاهش یافته و در سال ۲۰۱۷ میزان فقر در این کشور به ۲۹ درصد رسید.
در حالی که انتخابات پارلمانی در قرغیزستان، کشور همسایه تاجیکستان، به ناآرامی و اغتشاش انجامید، انتظار نمی رفت که در تاجیکستان چنین اتفاقاتی رخ بدهد.
امام علی رحمان که بیش از ۲۶ سال از حکومت اقتدارگرایانه اش بر تاجیکستان می گذرد، یکبار دیگر برای شرکت در انتخابات ریاست جمهوری نامزد شده بود.
پنج میلیون فرد واجد شرایط رای دهی به شرکت در انتخابات فراخوانده شدند تا رئیس جمهور کشورشان را برای یک دوره هفت ساله انتخاب کنند. کمیسیون انتخابات در دوشنبه، پایتخت تاجیکستان، این رای گیری را معتبر اعلام کرد.
آخرین محل های رای گیری، روز یکشنبه ساعت ۸ شام به وقت محلی درهای شان را بستند. ناظران در مورد این که امام علی رحمان، رئیس جمهور تاجیکستان در این انتخابات یکبار دیگر پیروز خواهد شد، شک نداشتند.
پیام ها