مسوول سیاست خارجی اتحادیه اروپا، در دیدار با شوکت میرضیایف، رییس‌جمهور ازبیکستان، درباره وضعیت افغانستان گفتگو کرده است.
به گزارش افغان نیوز؛ جوزب بورل، مسوول سیاست خارجی اتحادیه اروپا امروز (شنبه، 28 عقرب) در توییتی نوشته است که روی نگرانی اتحادیه اروپا در مورد وضعیت افغانستان در این دیدار صحبت شده است.
بورل گفته است که کنترول وضعیت در امتداد مرز افغانستان و اوزبیکستان در دستور کار اتحادیه اروپا و اوزبیکستان قرار دارد.
او افزوده است: «نگرانی‌های شرکای ما برای اتحادیه اروپا مهم است. ما می‌خواهیم با هم با چالش‌ها روبه‌رو شویم».
دفتر ریاست جمهوری ازبیکستان نیز در خبرنامه‌ای گفته که در این دیدار روی موضوعات بین‌المللی، همکاری‌های منطقه‌ای در آسیای مرکزی و بهبود وضعیت در افغانستان گفتگو شده است.
این در حالی است که مقام‌های تاجیکستان بارها اعلام کردند که هزاران تروریست در امداد مرزی افغانستان و تاجیکستان جابجا شده‌اند.
اما؛ مقام‌های امارت اسلامی حضور گروهای ترویستی را در افغانستان رد کرده و گفته‌اند که هیچ کشوری از خاک افغانستان تهدید نمی‌شود.
پیام ها