رئیس جمهورغنی با صدور فرمانی، تعیینات جدیدی در وزارت های تحصیلات عالی و اطلاعات و فرهنگ انجام داده است.
به گزارش افغان نیوز: بر اساس فرمان ریاست جمهوری و پیشنهاد وزارت اطلاعات و فرهنگ، سید آقا حسین سانچارکی در بست مافوق رتبه به‌حیث معین نشراتی وزرات اطلاعات و فرهنگ تعیین گردید.
سید حسین سانچارکی در هنگام کمپاین های ریاست جمهوری، به سود داکتر عبدالله عبدالله کار میکرد و بعد از ختم انتخابات به عنوان مشاور ریاست اجرائیه فعالیت داشت.
همچنان در حکم ریاست جمهوری سیده مژگان مصطفوی معین نشراتی وزارت اطلاعات و فرهنگ تبدیلا در بست مافوق رتبه به حیث معین مالی، اداری و گرځندوی وزارت اطلاعات و فرهنگ انتخاب گردیده است.
در وزارت تحصیلات عالی نیز تعییات تازه‌ی از سوی ریاست جمهوری انجام شده که دکتور احمد سیرمهجور با داشتن درجه تحصیلی دکتورا دربست مافوق رتبه به حیث معین مالی واداری وزارت تحصیلات عالی انتخاب شده است.
همچنان رئیس جمهورغنی پوهندوی دکتور تفسیره هاشمی تبدیلا در بست رتبه دوم به حیث معاون پوهنتون کابل در امور محصلان تعیین کرده است.
پیام ها