عبدالله عبدالله، رییس اجراییه حکومت وحدت ملی با لیو جینسونګ سفیر جمهوری خلق چین در کابل دیدار کرد.
به گزارش افغان نیوز: عبدالله عبدالله، رییس اجراییه جمهوری اسلامی افغانستان بعد از ظهر روز یکشنبه( ۹، جدی) با آقای لیو جینسونګ سفیر جمهوری خلق چین برای افغانستان در دفتر کارش در قصر سپیدار دیدار کرد.
در این نشست روابط دوجانبه میان چین و افغانستان، مذاکرات صلح، انتخابات ریاست جمهوری و روابط منطقه‌ای افغانستان مورد بحث و تبادل نظر قرارگرفت.
بحث بر سر انتخابات ریاست جمهوری درحالی مطرح می شود که رییس کمیسیون مستقل انتخابات افغانستان اعلام کرد که چهار انتخابات به شمول ریاست جمهوری در ۲۹ سرطان سال آینده برگزار می‌شود.
در همین حال، شاه حسین مرتضوی، معاون سخنگوی ریاست جمهوری اعلام کرده که حکومت با کمیسیون در برگزاری انتخابات ریاست جمهوری در ماه سرطان سال ۱۳۹۸ همکاری همه‌جانبه می نماید.
پیام ها