ندا محمد ندیم، سرپرست وزارت تحصیلات عالی به هدف اشتراک در دومین مجمع بین‌المللی چهار روزه وزیران تحصیلات عالی و معارف کشورهای مختلف، عازم روسیه شد.
به گزارش افغان نیوز؛ حافظ ضیاء‌الله هاشمی، سخنگوی وزارت تحصیلات عالی امروز(شنبه، 18 جوزا) می‌گوید که ندا محمد ندیم در کنار اشتراک در این مجمع؛ با وزیران تحصیلات عالی کشورهای مختلف دیدار و همچنان مشکلات و پیشنهادات محصلان افغان مقیم روسیه را نیز خواهد شنید.
گفتنی است که حبیب‌الله آغا، سرپرست وزارت معارف امارت اسلامی افغانستان به هدف اشتراک در دومین مجمع بین‌المللی چهار روزه وزیران معارف، عازم روسیه شد.
بر اساس خبرنامه وزارت معارف، حبیب‌الله آغا در این مجمع در مورد وضعیت، دست‌آوردها، فرصت‌ها و چالش‌های معارف افغانستان سخن خواهد گفت و با وزیران معارف کشورهای مختلف نیز دیدار می‌کند.
پیام ها