رییس اجراییه حکومت وحدت ملی و سفیر جمهوری تاجیکستان در مورد روابط دو جانبه میان دو کشور، انتخابات ریاست جمهوری و تلاش‌ها برای دست یافتن به صلح بحث و تبادل نظر کردند.
به گزارش افغان نیوز: عبدالله عبدالله، رییس اجراییه حکومت وحدت ملی بعد از ظهر دیروز (چهارشنبه ۴ جدی) با شرف الدين امام سفیر جمهوری تاجیکستان برای افغانستان در قصر سپیدار دیدار نمود.
اعلامیه ریاست اجراییه حکومت وحدت ملی افزوده است که در این دیدار، دو طرف در باره‌ی روابط دو جانبه میان دو کشور، انتخابات ریاست جمهوری و تلاش‌ها برای دست یافتن به صلح بحث و تبادل نظر کردند.
در اعلامیه آمده است که رییس اجراییه در صحبت‌های خود از نقش مثبت تاجیکستان در همکاری و کمک برای افغانستان تشکر و قدردانی کرد.
این درحالی است که سفر اخیر رییس جمهور غنی به تاجیکستان، عملا بسترهای سیاسی و اقتصادی گسترش روابط افغانستان و تاجیکستان افغانستان را مورد توجه قرار داد.
پیام ها