محمد هارون چخانسوری سخنگوی ریاست جمهوری به عنوان معاون انسجام امور دولت ریاست عمومی اداره امور ریاست جمهوری تقرر یافت.
به گزارش افغان خبر: بر اساس پیشنهاد ریاست عمومی اداره امور ریاست جمهوری ومنظوری محمد اشرف غنی رئیس جمهور کشور، محمد هارون چخانسوری سخنگوی ریاست جمهوری تبدیلاً در بست مافوق رتبه بحیث معاون انسجام امور دولت ریاست عمومی اداره امور ریاست جمهوری مقرر گردید.
آقای چخانسوری تحصیلات عالی خویش را تا سطح ماستری در بخش اداره‌عامه و پالیسی در پوهنتون سیدنی آسترالیا به اتمام رسانده است. موصوف پیش از این به حیث رییس تشریفات ریاست جمهوری و قبل از آن در بانک جهانی ایفای وظیفه نموده و بیش از ۱۲ سال در دوایر دولتی و غیر دولتی در زمینه‌های انسجام، پالیسی‌سازی و مدیریت برنامه‌ها کار کرده است.
آخرین سمتی که هارون چخانسوری در ریاست جمهوری کشور داشته، سخنگوی رئیس جمهورغنی بود.
پیام ها