عبدالله عبدالله، رییس شورای عالی مصالحه در پیوند به سفر هیأت مذاکره‌کننده حکومت به دوحه پایتخت قطر می‌گوید که تلاش می‌کنیم تا مذاکرات بین‌الافغانی به ختم جنگ چهل ساله در افغانستان منجر شود.
به گزارش افغان نیوز: پس از ماه‌ها فراز و فرود برای شروع مذاکرات میان افغانی، سرانجام همه بن‌بست‌ها شکست و دیروز جمعه(21، سنبله) هیأت مذاکره‌کننده افغانستان کابل را به عزم دوحه پایتخت قطر ترک کرد.
شورای عالی مصالحه ملی با نشر یک اعلامیه گفته که عبدالله عبدالله، این موضوع را صبح دیروز جمعه ( 21 سنبله) در دیدار با سایمومین یاتیموف؛ رئیس کمیته دولتی امنیت ملی تاجیکستان، بیان داشت.
عبدالله در این دیدار تاکید کرد که موفقیت پروسه صلح افغانستان، ضامن امنیت و صلح در منطقه است.
از سوی هم، یاتیموف گفت که کشورش از رهبری صلح به مالکیت افغان‌ها حمایت نموده و تامین امنیت و برقراری ثبات در افغانستان را به سود همه کشورهای منطقه می‌داند.
قرار است نخستین دور مذاکرات مستقیم میان دولت افغانستان و گروه طالبان، امروز شنبه (22 سنبله) در دوحه، پایتخت قطر آغاز گردد.
قابل ذکر است که هیأت ۲۱ نفری را عبدالله عبدالله و حنیف اتمر و شماری دیگر از دولت‌مردان افغانستان همراهی می‌کنند.
پیام ها