امارت اسلامی طالبان، سخنان امام علی رحمان، رییس جمهور تاجیکستان مبنی بر موجودیت کمپ‌های تروریستی در خاک افغانستان را تکذیب کرد.
به گزارش افغان نیوز؛ بلال کریمی، معاون سخنگوی امارت اسلامی امروز( سه‌شنبه، 21 جدی) در توییتی گفته است که ادعای رییس جمهور تاجیکستان که گویا کمپ‌های به اهداف تخریبی در مناطق مرزی افغانستان با تاجیکستان ایجاد شده، حقیقت ندار.
کریمی افزوده است: « ما با قاطعیت این ادعا را رد می‌کنیم».
او تاکیرد کرده است که امارت اسلامی با تمامی همسایه‌ها اطمینان می‌دهد که سرحدات ما محفوط است و به شمور تاجیکستان هیچ کشوری خارجی از خاک افغانستان تهدید نخواهد شد.
او گفته که برخی افراد مغرض، مخرب و فراری به جامعه جهانی به ویژه کشورهای همسایه معلومات غلط می‌دهند که به هیچ وجه درست نیست.
پیش از این امام علی رحمان رییس جمهور تاجیکستان روز دوشنبه (20 جدی) در نشست ویژه پیمان امنیت جمعی که به صورت مجازی با اشتراک روسیه، تاجیکستان، بلاروس، قزاقستان و قرغیزستان برگزارش شد، از اعضای این سازمان خواست که در اطراف افغانستان یک کمبرند امنیتی ایجاد کنند.
این در حالی است که به تازگی قاسم جومارت توکایف، رییس جمهور قزاقستان نیز در پی اعتراضات گسترده و خشونت بار در این کشور گفته است که جنگجویانی خارجی از افغانستان در این اعتراضات خشونت‌آمیز دست داشته اند.
پیام ها