ملا عبدالغنی برادر، معاون نخست وزیر کابینه طالبان، تاجیکستان را متهم به مداخله در امور داخلی افغانستان کرده است.
به گزارش افغان نیوز؛ ملا عبدالغنی برادر، معاون نخست وزیر کابینه طالبان روز گذشته( یک‌شنبه، 4 میزان) در گفتگو با شبکه تلویزیونی الجزیره، گفته است: «تاجیکستان در امور ما دخالت می‌کند، برای هر اقدامی عکس‌العملی وجود دارد».
معاون نخست وزیر طالبان به تاجیکستان از پیامدهای احتمالی دخالت در امور افغانستان هشدار داده است و گفته است.
پیش از این امام علی رحمان، رییس‌جمهور تاجیکستان در سخنرانی خود در نشست سازمان همکاری‌های شانگهای، پیشنهاد ایجاد کمربند امنیتی در اطراف افغانستان را مطرح کرده بود.
آقای رحمان در هفتادوششمین نشست مجمع عمومی سازمان ملل متحد نیز گفته بود که تحولات اخیر در افغانستان منجر به بحران عمیق سیاسی، بشردوستانه و حکومتی شده و امنیت و ثبات منطقه را نیز به خطر می‌اندازد.
پیام ها