محمد اشرف غنی رئیس جمهور کشور، صبح امروز در راس یک هیات بلند رتبۀ دولتی به منظور اشتراک در دومین نشست سران کشورهای “پروژه کاسا یک هزار” عازم دوشنبه پایتخت تاجکستان گردید.
به گزارش افغان نیوز: ریاست جمهوری با نشر اعلامیه یی گفته که رئیس جمهورغنی در جریان این سفر یک روزه برعلاوۀ اشتراک و سخنرانی در نشست متذکره، با امام علی رحمان رئیس جمهور تاجکستان روی گسترش بیشتر روابط میان دو کشور، دیدار و گفتگو خواهد کرد.
همچنان رئیس جمهور در نشست سه جانبه سران کشورهای افغانستان، تاجکستان و پاکستان اشتراک نموده و از نمایشگاه محصولات زراعتی و مواد غذایی جمهوری تاجکستان دیدن خواهد کرد.
رئیس‌جمهور کشور را در این سفر، اکلیل حکیمی وزیر مالیه، عبدالستار مراد وزیر اقتصاد، داکتر محمدهمایون قیومی مشاور ارشد رئیس جمهور در امور زیربناها، محمدشاکر کارگر نماینده خاص رئیس جمهور در امور کشورهای آسیای میانه و شاه‌زمان میوندی مشاور ارشد رئیس جمهور در امور روابط عامه و ارتباطات استراتیژیک همراهی می نمایند.
پیام ها